Të tjera lëkundje tërmeti janë ndjerë pak minuta më parë në Durrës.
Sipas IGJEUM, tërmeti ishte me magnitudë 4 të shkallës rihter, me epiqendër në Safetaj, Durrës, dhe thellësi 36 km.
Nga informacionet e marra nga Emergjencat Civile, në qarqet Durrës e Tiranë, deri më tani nuk rapotohet për dëme në njerëz apo materiale.
Sizmiologu Rrapo Ormeni thotë se lëkundjet e tërmetit janë në vazhdimësi të pasgoditjeve nga tërmeti i madh i 26 nëntorit.
Ai shtoi se nuk ka vend për panik ndërsa theksoi se pasgoditjet kanë ardhur duke u zvogëluar gjithnjë e më tepër.
“Ka rënë një pasgoditje në zonën e Durrësit në vazhdim të pasgoditjeve të tërmetit të 26 nëntorit, në afërsi të fshatit Safetaj të Durrësit. Një lëkundje normale me magnitudë katër. Por që kuptohet që është në vazhdën e pasgoditjeve pas atij tërmeti të madh”, u shpreh Ormeni në një lidhje telefonike me emisionin “Protokoll”.
