Një padi për legjendën e muzikës, Bob Dylan! Sipas kësaj padie, artisti i ka dhënë një 12-vjeçareje drogë dhe alkool para se të abuzonte seksualisht në apartamentin e tij, në Hotel Chelsea në vitin 1965.
Në dokumentet e dorëzuara në Gjykatë pretendohet se abuzimi nga këngëtari dhe kompozitori i këngës “Like a Rolling Stone” ndodhi shumë herë.
Akuzuesja me iniciale JC, është shprehur se efektet emocionale të abuzimit kanë qenë afatgjata dhe se asaj i është dashur të kërkojë trajtim mjekësor për to. Ajo pësoi depresion, poshtërim dhe ankth. JC po kërkon dëmshpërblim të papërcaktuar dhe gjykim me jurinë.
Dokumentet e saj ligjore u dorëzuan në Gjykatën Supreme të New York-ut, ndërkohë që zëdhënësi i Dylan i tha BBC se ‘pretendimi i 56-vjeçares është i pavërtetë’.
Dylan, emri i vërtetë i të cilit është Robert Allen Zimmerman, ka shitur më shumë se 125 milionë albume në të gjithë botën gjatë një karriere që zgjati gjashtë dekada. Këngët e tij më të njohura përfshijnë Blowin ‘In The Wind dhe The Times They Are a-Changin’.
Në vitin 2016, fituesit të Grammy dhe Oscar iu dha Çmimi Nobel në Letërsi, duke u bërë kompozitori i parë që fitoi çmimin prestigjioz. Ai gjithashtu u nderua me Medaljen Presidenciale të Lirisë në vitin 2012 nga Presidenti i atëhershëm Barack Obama.
