Ledri Vula nuk e ka fshehur asnjëherë, pasionin e tij për basketbollin. Hera –herës, pasi gjen hapësirë të lirë nga koncertet apo projektet muzikore, reperi i rikthehet dashurisë së tij të vjetër dhe së bashku me miqtë e tij, luajnë basketboll.
Mirëpo duket se basketbolli, nuk do të jetë më vetëm pasion për reperin, pasi burime për “Gazetablic” kanë bërë të ditur se Ledri do të emërohet shumë shpejt në një post të ri.
Ai do të emërohet nga Klubi basketbollistik “Z-mobile Prishtina” si nënkryetari i klubit.
Zyrtarizimi i tij si nënkryetar pritet të bëhet në një konferencë për media, së shpejti.
Do të heqë dorë vallë Ledri nga muzika (Mos o Zot!!!), apo do të gjejë kohë për t’i realizuar të dyja?
Kryqëzojmë gishtat për këtë të dytën!
