Pak ditë më parë Sara Hoxha tregoi me pak fjalë të gjithë dashurinë që ndjente për partnerin Ledion Liço, ndërkohë që tani është radha e tij.
Ata janë prindër të një djali të vogël të quajtur London, të suksesshëm në karrierë, por mbi të gjitha shumë të dashuruar. Ata nuk reshtin së treguari asnjëherë dashurinë për njëri-tjetrin dhe nuk kishte si të ndodhte ndryshe as dje.
Është Ledioni i cili pas një “thumbimi” nga gazetari i “Thumb”, i ka bërë një dedikim shumë të bukur Sarës, ndonëse jo në mënyrë të drejtpërdrejtë. Moderatori ka refuzuar që të puthë gazetarin në buzë (mund t’ju duket pak çudi kjo kërkesë, por ishte një provokim, që vetëm Kamela Islami iu përgjigj pozitivisht). Më tepër se refuzimi, i cili ishte diçka që pritej, e veçanta ishte tek shpjegimi që Ledioni i dha Andit.
“Kam hall se nëse të puth ty, bëhet xheloze Sara, sepse buzët janë vetëm për të”, u shpreh ai.
