“Sikur të të njihni njerëzit siç të njoh unë, do të shihnin shpirtin e madh që ti ke”. Ky mesazh i ngrohtë i trashëgimtares së Top Channel për partnerin e saj Ledion Liço, ka prekur zemrat e të gjithëve që e kanë lexuar.
Për t’i uruar ditëlindjen gjysmës së saj, Sara ka publikuar një urim mjaft prekës në “Instagram”, së bashku me një foto të Ledionit, në kohën kur çifti ishte në pritje të vogëlushit të tyre.
Përvjetori i 30-të i Ledionit ishte dhe arsyeja pse Lori dhe Visi u kthyen nga Los Angeles për t’iu bashkuar festimeve të çiftit. Por më emocionues ishte urimi i Sarës e cila e përcolli më së miri ndjenjën e dashurisë dhe na dha dozën e ëmbëlsisë për sot.
“Gjatë viteve je bërë shoku im më i mirë, shpirti im binjak dhe jam përgjithmonë mirënjohëse, sepse çdo ditë nxjerr në pah më të mirën time. Ke aftësinë të kujdesesh për të gjithë ata që të rrethojnë dhe nëse njerëzit do të njihnin siç të njoh unë, do ta shihnin çfarë shpirti të mrekullueshëm ke. Faleminderit që je një partner kaq i mirë dhe babai më i mirë për fëmijën tonë.”
