Ledion Liço ka qenë një ndër moderatorët më elegant të ekranit shqiptar. Me kalimin e viteve kilogramët e tepërt u shtuan dhe eleganca e dikurshme duket sikur është një nostalgji e së kaluarës.
Pavarësisht se ia vënë vazhdimisht në dukje këtë fakt, Ledioni duket se nuk e ka aq problem se për të e rëndësishme është të ndihet vet mirë.
Gjatë mbrëmjes së djeshme në “The Voice Kids”, ndërsa ishte në lidhje me publikun nga shtëpia “Voice Room”, me Dojna Memën, Ledionit i erdhi një kritikë e drejtpërdrejtë.
“Ledio është mirë të dobësohesh pak…”, shkruante një komentuese në “Instagram”.
Por Ledioni nuk ia la mangët përgjigjen.
“Unë nuk jam Ledio, por jam Liu. Pastaj, kur paske mësuar të lexosh komentet negative? Nuk dua më komente nga Instagrami” – tha ai me të qeshur, i keqardhur, me gjasë për kritikën.
Si për ta qetësuar, Dojna Mema i tha të mos mërzitet.
“Edhe për mua kanë shkruar ‘akoma nuk është martuar kjo’”?, i tha Dojna.
“E pra, na ngele në derë” – ia ktheu Ledioni Dojnës si për ta hequr vëmendjen nga vetja.
