Ai ka vetëm pak ditë që ka ardhur në jetë, por është një nga fëmijët më të famshëm të ekranit shqiptar dhe ka të gjithë vëmendjen tonë.
Në videon e urimit që televizioni “Top Channel” publikon për festa e fundvitit, këtë herë spikati ideja e familjes.
Të gjithë prezantuesit dhe figurat e njohura të këtij televizioni dolën në video së bashku me familjarët e tyre.
Ajo që ra në sy është pjesa kur shfaqet moderatori Ledion Liço. Ndryshe nga vitet e tjera ai nuk është vetëm, por mban në krah të birin, të cilit i shpreh dashurinë duke e puthur.
Ai ka nxjerrë për herë të parë imazhin e vogëlushit të tij London Noor, i cili ka vetëm pak javë që ka ardhur në jetë, si fryt i dashurisë mes Liços dhe Sara Hoxhës.
