Moderatori i “The Voice of Albania”, Ledion Liço ka publikuar sot në mëngjes disa statistika në lidhje me audiencën e tre televioneve më të ndjekura shqiptare.
Duke qenë se Top Channel është renditur i pari, duke lënë pas dy televizionet e tjera, Klan dhe Vizion Plus, Ledioni ka etiketuar gazetaren Rudina Xhunga që sipas tij shkruan keq për Top Channel -in sepse ky i fundit e largoi për në portalin Dritare.net. Ai i referohet një komenti që Rudina ka bërë pak kohë më parë për “The Voice”, duke thënë se sot ky format nuk ka më suksesin e dikurshëm.
Pas këtij postimi ka ardhur dhe reagimi i Ledion Liços:
“Për Xhungat e kësaj bote, dhe për @rudinaxhunga e cila shkruan keq jo sepse mendon keq për @topchannelalbania por sepse ky i fundit e përcolli për në dritaren e fundit”, shkruan Ledioni.
Pas këtij komenti kanë vërshyer komentet e ndjekësve të moderatorit, të cilët i kundërvihen për mënyrën “aspak profesionale” që ju drejtua një ish-kolegeje më të cilën ka punuar në një televizion.
“Të jesh sa çereku i Xhungës nuk do ishe keq”, i shkruan dikush.
“Nga cili Program i nxore këto statistika? Sesi program Word-i më duket … TV Klan si në seriale, programacion, ka kohë që ua ka marrë renditjen.. Mjafton të bësh një sondazh dhe e kupton. Nuk ecën para një kanal me personazhe 20-vjeçare.. ta keni në plan të vendosni ndryshime.. sepse “thinjat” ndonjëherë bëhen të mërzitshme”, shkruan një tjetër.
Por moderatori nuk e ka lënë me kaq dhe i është kundërpërgjigjur këtij të fundit: “Nga ai që i merr edhe TV Klani”.
