Tashmë që edicioni i dytë i “The Voice kids”, përfundoi me sukses, stafi i organizatorëve hapën të gjitha letrat mbi tavolinë.
Moderatori Ledion Liço shprehet se pjesa më e vështirë e spektaklit ishte përzgjedhja e trajnerëve. Madje, Liço pranoi se sapo iu propozua idea e karriges dyshe mes Renisit dhe Aleksandër Gjokës menjeherë kundërshtoi.
“Aleksandri dhe Renisi, ta themi, nuk ka qenë zgjedhja jonë e parë. Propozimin për ta e bëri drejtori ynë artistik Alban Male. Sapo Albani ma propozoi, unë thashë menjëherë “Jo” sepse Sandër Gjoka nuk ka bërë asnjëherë television, kështu që ishte e kuptueshme” – u shpreh Ledioni.
Edhe përse idea nuk i pëlqente, u ra dakort që Albani të zhvillonte një takim me Renisin dhe ALkesandrin.
Vetë Male tregoi se takimi i tij me Renisin erdhi menjëherë dhe pas bisedës, natyrshëm, erdhën edhe hapat që dyshja të bëhej pjesë dhe të ishte një pikë shumë e suksesshme e këtij formati, shkruan revista “Class”.
