Kur udhëton ka shumë gjëra pozitive si të ndërrosh ambient, të njihesh me kultura të reja e të njohësh njerëz të rinj, por të gjitha këto nuk kanë kuptim nëse nuk i bën publike në Instagram, apo jo!
Nëse nuk e ke publikuar në Instagram që ke qenë në Paris apo Itali, në fakt të duket sikur nuk ke qenë atje!
Por problemi qëndron që duhet të kesh një person që të bën foto të bukura dhe sigurisht, të mos jesh vetëm.
Ndaj një agjenci në Romë, të krijon mundësi të marrësh me qira një të dashur Instagrami.
Po, po! Një kompani turistike u ofron udhëtarëve fotografë profesionistë për t’i ndjekur ata rreth kryeqytetit italian për disa ditë, duke bërë fotografi të mrekullueshme për Instagramin e tyre.
Operatorët turistikë të agjencisë Roma Experience ofrojnë një paketë me dy mundësi zgjedhjeje.
Kështu, turneu bazë kushton 735 euro (835 $), dhe ai ekstra i të dashurit të Instagramit është 350 euro shtesë (398 $), që do të thotë se e gjithë kjo paketë do t’ju shkojë 1,085 euro ( 1,233 $).
Si thoni, do ta bënit?
