Bashkëshortja simpatike e Ramush Haradinajt, Anita, ka treguar për herë të parë për marrëdhënien e saj me partnerin, fillimet e njohjes, debatet që bëjnë dhe si e sheh sot, që Ramushi është kryeministër i Kosovës.
Anita pranoi në “Top Show” se, ashtu si çdo çift tjetër, edhe në çiftin kryeministror ka debate, dhe këto debate përfundojnë me konsensusin: Gruaja ka të drejtë!
“Ne nuk zihemi, ne bëjmë debat. Domethënë ai debati gjithmonë përfundon me: kompromisi im fiton mbi kompromisin tënd. Ramushi fillimisht më pëlqeu si djalë i mirë dhe besnik që ishte dhe që më dashuronte shumë, shumë.
“Ta tha ai?”, e pyeti Albani.
“E ndjeva. Është shumë romantik ia ktheu Anita.
Ajo nuk arrin ta kujtojë se si i ka propozuar Ramushi, por kujton mjaft mirë se sa natyrshëm ka ardhur lidhja e tyre, me gjithë frikën e familjes së saj, sidomos së ëmës për një person publik si Haradinaj:
“Unë kisha filluar me dalë disa herë me raste me Ramushin, kur më ftonte. Në momentin që e mori vesh mami im, si mamatë, filloi të më bërtiste dhe duke më thënë që ai është fytyrë publike, ti je fytyrë publike, do shkruajnë gazetat. Pastaj, i thashë Ramushit: “Unë nuk mund të të takoj më ty. Kur më pyeti pse, i thashë sepse më ka bërtitur mami: “Po ç’rëndësi ka, ne ia themi mamit bashkë”, – ia ktheu ai, ndërsa Anita, që me sa duket, kjo përgjigje e bëri shumë të lumtur, tha: “Ah, po s’e kam menduar kaq seriozisht. Këtu ndryshon puna”.
Dhe pas kësaj, erdhi edhe darka familjare ku burrat kuvendonin, vendosnin për të ardhmen e çiftit, ndërsa Anita ishte spektatore. Një 22-vjeçare që, teksa dëgjonte edhe planet për martesë, mendonte: “Ok, hajde se po e provoj..”
