Jemi të bindur se ju ka munguar shumë në muzikë këngëtarja Vesa Luma, e cila prej kohësh është “arratisur” në Zelandën e Re.
Artistja është mjaft aktive në rrjetet sociale ku komunikon shpeshherë me fansat e saj.
Këngëtarja shqiptare ka një karrierë mjaft të suksesshme në Shqipëri që në moshë mjaft të vogël. Së fundmi, Vesa është bërë nostalgjike dhe ka ndarë me ndjekësit e saj një foto të saj para 27 vitesh. Në imazhin e publikuar vihet re një vajzë e vogël e veshur me një fustan të gjatë e të bardhë, që mban disa trëndafila të kuq në dorë, teksa këndon me mikrofon që e mban në dorën tjetër.
“1994”, shkroi Vesa krahas postimit.
Pavarësisht se vitet kalojnë, Vesa duket se nuk ka ndryshuar fare dhe ka mbetur po e njëjta.
Prej kohësh fansat i kanë kërkuar të rikthehet në muzikë, por asnjëherë s’ka qenë momenti më i përshtatshëm për Vesën.
Fillimisht, ajo përjetoi një stres të madh me zhvendosjen në Zelandën e Re së bashku me partnerin dhe djalin e tyre, ndaj nuk ndihej e fokusuar për të sjellë projekte të reja.
Më vonë, pandemia Covid-19 bllokoi çdo plan dhe këngët e Vesës që ia kishte premtuar prej kohësh publikut, sërish u shtynë.
Mirëpo, premtimin s’e tret as dheri thonë, ndaj Vesa vonoi por nuk harroi!
Kohë më parë, nëpërmjet një postimi në InstaStory, ajo i ka bërë zemrat mal fansave të saj, teksa ka treguar se ndodhet në studio dhe po punon për projektin e saj të ri.
Nuk kemi të tjera detaje dhe s’e dimë nëse bëhet fjalë për një bashkëpunim me Big Bastën, të cilin fansat kanë kohë që ia kanë kërkuar.
