Një piercing në faqe është një zgjedhje shumë interesante, veçanërisht sepse piercing në hundë e kanë të gjithë.
Era Istrefi është shfaqur gjatë javëve të fundit me piercing e saj të ri dhe duhet thënë se një stoli në fytyrë i jep një pamje shumë të veçantë këngëtares së njohur për stilin ndryshe nga trendet masive.
Sidoqoftë, shpresojmë vërtet që të jetë një gur i ngjitur, edhe pse pak janë gjasat të jetë kështu.
E keni vrarë mendjen sesi mund të rrijë piercing në faqe? Kjo është pjesa me siklet.
Praktikisht, që piercing të qëndrojë, duhet që nën lëkurë të vendoset një implant metalik si bazë ku të kapet pjesa e sipërme.
Si vendoset baza, ngulet aty guri dhe ja ku u bëre me një piercing në faqe si të erës. Por, nuk është kaq e kollajshme. Sepse, përveçse procesi duket shumë i sikletshëm, gjithashtu me kalimin e kohës, lëkura e zgjeruar për të lejuar futjen e impantit, fillon të ngushtohet rreth tij dhe njerëzit tregojnë se ka dhembje e siklete, prandaj duhet të mos flesh nga njëra anë për ca javë.
Gjithashtu, në rastet kur do ta heqësh për të mos e patur më, mund të kërkojë ndërhyrje për shkak se lëkura ngjitet me implantin poshtë dhe piercing sipër. Në asnjë mënyrë nuk mund të hiqet vetë!
Kështu që, informacionet paraprake i keni tashmë. Nëse po mendonit të vendosnit edhe ju një piercing si i Erës, tani e dini çfarë ju pret.
