Ylli Limani është një nga emrat më në zë të muzikës shqiptare, që gjithmonë surprizon me projektet e tij që bëjnë diferencën. Për shkak të zhanrit që lëvron, Ylli është profilizuar si një artist romantik, melankolik që sjell këngë të cilat ia dalin të kthehen në hite edhe pa pasur një videoklip.
Ai është mjaft aktiv në rrjetet sociale, ku publikon herë pas here detaje nga jeta e tij. Së fundmi, artisti ka tërhequr vëmendjen me disa postime në “InstaStory” ku në fillim është shfaqur duke kënduar një këngë që nuk e kemi dëgjuar më herët dhe mesa kuptohet do të jetë pjesë e projektit të tij më të ri.
Më pas, në një sfond të zi, këngëtari shkroi: “me jetu”, që mund të jetë titulli i ri i këngës së radhës që këngëtari do të lançojë. Më pas ai ka zbuluar edhe pak nga teksti dhe duket se edhe kësaj herë, kënga do të jetë një dedikim dashurie.
Nga se kuptohet nga postimet në vazhdim të miqve të tij, kjo këngë do të dalë shumë më shpejt se të gjithë po mendimim, ditën e premte, pra nesër.
Jeni gati të dëgjoni perlën e radhës nga artisti i dashur?
/iconstyle.al
