Në mediat rozë po përflitet gjerësisht për një romancë të mundshme të Kourtney Kardashian me Travis Barker.
Ylli i “Keeping Up With The Kardashians”, së fundmi i ka dërguar një letër dashurie, që po forcon aludimet se ata janë në lidhje”, shkruan prestigjozia “Mirror”. Këtë shkrim, Travis, e ka ndarë në rrjetin e tij social Instagram.
“Për shumë aventura. Le ta shkatërrojnë njëri-tjetrin plotësisht. Me dashuri, Kourtney”, shkruhej nga bukuroshja brune.
Mësohet se 41-vjeçarja, së bashku me muzikantin janë parë edhe së bashku në vende të ndryshme, përfshirë edhe darka romantike.
Ato kanë qenë në një udhëtim së bashku në Palm Springs, California dhe sipas burimeve, gjërat mes tyre po shkojnë në mënyrë perfekte!
Ashtu si Kourtney edhe Travis është ndarë nga një martesë dhe ka gjithashtu fëmijë.
Një burim për prestigjozen “People” ka zbuluar se Travis dëshironte të kishte një romancë “për një kohë të gjatë” me Kourtney.
Ndër të tjera, burimi shtoi: “Travis e ka pëlqyer atë për një kohë të gjatë dhe ajo sapo ka filluar ta pëlqejë këtë ide. Ai është një djalë i mirë dhe një baba vërtet i shkëlqyeshëm. Familja dhe miqtë e saj të gjithë e pëlqejnë atë. Fëmijët e tyre gjithashtu shkojnë mirë, gjë që është e ëmbël.”
Deri më tani nuk është konfirmuar asgjë prej të dyve, ndërsa aludimet dhe dyshimet vazhdojnë në rrjet.
