120 shqiptarët e parë janë riatdhesuar nga Italia!
Mbrëmjen e sotme avioni i linjës “Air Albani” ka sjellë 120 personat e parë që kishin mbetur të bllokuar në Itali pas mbylljes së kufijve.
Në total gjatë këtyre ditëve do të riatdhesohen 1379 persona, ata të cilët janë në vështirësi më të mëdha.
Kryeministri Edi Rama bëri me dije se riatdhesimi në këtë situatë të vështirë do të bëhet falas nga kompania që e ka marrë përsipër.
Pas mbërritjes, qytetarët janë të detyruar të qëndrojnë për 14 ditë në izolim, ndryshe gjobiten për shkelje të rregullave.
Në intervista për “News24” qytetarët shprehen se kanë pasur kontrolle të vazhdueshme dhe kanë plotësuar 2 formularë për të treguar historikin e tyre.
Mbrëmjen e sotme pritet të kthehet rdhe një grup tjetër qytetarësh.
