“Reality show” i shumëpritur nga publiku shqiptar “Big Brother VIP” do të nisë shumë më shpejt nga ç’e mendonit.
Burime ekskluzive për “Iconstyle.al” kanë bërë me dije se data 1 tetor do të shënojë nisjen e “BBV”.
Që në momentin që u përfol se ky “reality show” do të kthehej në ekran nisën aludimet e shumta se kush mund të jenë personazhet e përzgjedhur për të marrë pjesë, por asnjë emër akoma nuk është konfirmuar nga stafi i këtij programi.
Më herët, faqja zyrtare e “Big Brother VIP” publikoi disa video ku shfaqet konkurrentja e parë që do të jetë pjesë e këtij “reality show”, por pa ia zbuluar portretin.
“Këmbët e gjata, faqebardhë. Apo si është ajo shprehja? BBV, së shpejti”
Që nga publikimi i këtyre imazheve, fansat e BBV kanë nisur dyshimet dhe aludimet se kush mund të jetë goca e videove. Burime ekskluzive për “Iconstyle.al” kanë bërë me dije më herët se konkurrentja e parë e këtij “reality show” është Sheila Haxhiraj.
Së fundmi po përflitet se konkurrenti tjetër i këtij programi do të jetë aktori Romeo Veshaj. Sipas “Panorama plus” Romeo është parë shpesh këto ditë në ambientet e “Top Channel” dhe të njohur të tij kanë treguar se ka qenë në bisedime pikërisht për lidhjen e kontratës me këtë televizion, për t’u bërë pjesë e këtij formati.
Vlen të theksohet se herë pas here kanë qarkulluar zëra të ndryshëm në lidhje me konkurrentët e këtij programi, të cilët në shumicën e rasteve janë hedhur poshtë nga vetë protagonistët. A do të ndodhë e njëjta gjë dhe me aktorin e humorit? Kjo mbetet për t’u parë me kalimin e ditëve.
