Lart e poshtë po thuhet se Kanye West dhe supermodelja Irina Shayk janë në një lidhje. Ky lajm u bë shumë shpejt viral në “Twitter” dhe më pas në të gjithë rrjetin.
Sipas burimit për tabloidin “DeuxMoise” thuhet se Kanye West është në një marrëdhënie të fshehtë me modelen.
“Nuk e di nëse ‘takimet’ (dating) janë fjala e duhur për ta përshkruar, por duket që mes tyre ka interes.”- ka thënë burimi.
Nga ana tjetër, as modelja dhe as reperi akoma nuk kanë reaguar në lidhje me këtë lajm.
Njohja e Irina-s me Kanye-n daton që në vitin 2010, kur ajo u shfaq në videoklipin e këngës së tij, “Power”. Në klip, Irina Shayk, i gjunjëzohet reperit. Modelja ka qenë gjithashtu pjesë e pasarelës për koleksionin e modës vjeshtë/dimër të Kanye-s, në Paris, gjatë vitit 2012.
Kujtojmë se pas afro shtatë viteve martesë, Kim Kardashian dhe Kanye West i dhanë fund marrëdhënies së tyre të shumëpërfolur. Mediat e huaja raportuan se me 19 shkurt, Kim firmosi letrat e divorcit dhe ndarja e tyre ishte tepër paqësore.
Ditë më parë, Kanye West është dorëzuar dhe si përfundim i është përgjigjur kërkesës për divorc të Kim Kardashian, të cilën ajo e bëri 2 muaj më parë. Sipas një përgjigje ligjore të paraqitur nga avokati i reperit, West, 43, kërkon kujdestari të përbashkët ligjore dhe fizike të fëmijëve të tyre: vajzat North, 7, dhe Chicago, 3, dhe djemtë Saint, 5, dhe Psalmi, 2 vjeç.
