Grabitja e ndodhur në Paris e detyroi Kim Kardashian që të tërhiqej nga syri i publikut në mënyrën më të menjëhershme. Pas incidentit, prej të cilit asaj iu grabitën 11 milionë dollarë, 35-vjeçarja anuloi paraqitjen e saj në disa nga eventet e ardhshme, si dhe xhirimet për shfaqjen e “reality-show”-t, “Keeping Up with the Kardashians”, si dhe heshtjen në mediat sociale, duke mos postuar.
Ajo nuk ka postuar asgjë në rrjetet sociale që prej së dielës së kaluar, sidomos pas teorive se vjedhja ndodhi pikërisht për shkak të shfaqjes së tepërmi të pasurisë së saj. Por për një person si Kim, që është gjithmonë në qendër të vëmendjes, një lloj pushimi i tillë ka shumë kosto. Dhe sipas ekspertëve, ajo do të përballet me një humbje prej 1.3 milionë dollarësh çdo muaj.
Revista “People” publikoi shpjegimin e këshilluesit financiar për të famshmit, Samuel Rad, i cili thotë se çdo postim i saj në rrjetet sociale i shtonte rreth 20,000 dollarë markës Kardashian. Megjithatë sipas Rad, kjo ka dhe anën e saj pozitive! Pasi menjëherë pas postimit të parë, Kim do të rrëmbejë një numër të jashtëzakonshëm ndjekësish, të cilët kanë qenë kuriozë rreth gjendjes së saj shëndetësore dhe psikologjike.
Burimi: People
