Aktorja shumë e dashur për publikun shqiptar, Olta Gixhari, është bërë mbrëmjen e 21 gushtit nënë për herë të parë.
Ajo ka mirëpritur në jetë fëmijën e saj të parë, ndërsa lajmin e bukur e ka ndarë vetë në rrjete sociale. Olta ka publikuar një foto me trëndafila të bardhë, duke lënë të kuptohet se djali saj ka ardhur në jetë.
Po ashtu, Olta ka treguar se ka zgjedhur që të voglin e saj ta quaj AMAR, emër që vjen nga Hebraikja dhe do të thotë “i përjetshëm’, dhe në arabisht do të thotë Hënë.
Aktorja dhe partneri i saj jetojnë prej kohësh në Spanjë, ku kanë mirëpritur edhe bebushin e tyre.
Mirëpo, përtej largësisë, dhuratat për Amar nga Shqipëria nuk kanë munguar dhe e fundit që ka menduar për të voglin ka qenë Armina Mevlani, që gëzon një raport shumë të mirë me Oltën.
Nëpërmjet një Instastory kjo e fundit ka zbuluar se blogerja i ka blerë djalit të saj disa veshje, teksa aktorja ka shkruar krah fotos:
“Faleminderit @armina_mevlani sa të rritem dhe pak fare, do m’i veshi mami”.
