Ardhja në jetë e një fëmije është një gëzim i madh jo vetëm për prindërit, por edhe për familjarët dhe miqtë e tyre. Të gjithë mobilizohen për të blerë dhuratën më të bukur për të kënaqur jo vetëm bebin, por edhe prindërit e tij.
Mirëpo në përgjithësi dhurata e zakonshme që të gjithë çojnë për bebat në këto raste janë rrobat apo pellushët e mëdhenj dhe në të vërtetë harrojnë që ka edhe shumë variacione të tjera, për të cilat ka nevojë bebi i sapolindur.
Për të lehtësuar punën tuaj dhe për t’u ardhur sa më në ndihmë dhe prindërve të rinj “iconstyle.al” ju sugjeron 10 dhuratat ideale që nënat e reja kanë marrë për një bebe të porsalindur dhe ua kanë ditur shumë për nder atyre që ua kanë dhuruar.
1-Body me hapje anësore
Për të gjitha ato që bëhen nëna për herë të parë veshja e një bebeje të sapo ardhur në jetë është një sfidë e vërtetë. Për t’ua lehtësuar sadopak punën dhe që ndërrimi i bebit të mos kthehet në stres ju sugjerojnë që mikeshave tuaja t’iu bëni dhuratë një set me body me hapje anësore, duke qenë se ato janë tepër praktike.
2- Kosh për mbajtjen e bebit
Ky është një aksesor që prindërve të bebit u duhet që në momentin që ata do ta nxjerrin të sapolindurin nga materniteti.
Ky kosh mund të përdoret edhe për ta mbajtur për të fjetur bebin ditët e para që vjen në jetë, pasi duke qenë se ka ardhur në një botë tjetër krejt ndryshe nga ajo që ishte, ai ka shumë frikë dhe trembet edhe nga lëvizja e gjymtyrëve të tij. Koshi është i vogël, praktik dhe i krijon idenë e barkut të nënës.
Gjithashtu ai është një vend i sigurt ku nënat mund të lënë beben e tyre në ditët e para të lindjes, ndërkohë që janë duke u marrë me diçka tjetër.
3-Jastëk për gjidhënien
Shumë i dobishëm për nënën e re, jastëku ndihmon bebin të qëndrojë dhe ndihmon edhe nënën që të mos i lodhet shpina. Është ideal gjatë ushqyerjes me gji, por edhe gjatë gjumit.
4-Shampot dhe kremrat
Nëse ke eksperiencë me bebat dhe e di se cilat janë shampot dhe kremrat më të mira për një bebe të sapolindur, një set me to janë dhuratat ideale.
5- Govatë posaçërisht për të sapolindurit
Është një dhuratë që nënës dhe bebit i duhet që në ditën e parë që shkojnë në shtëpi. Ajo është tepër praktike duke qenë se ka një mbështetëse në lartësinë e duhur për të larë bebin. Gjithashtu ajo ju vjen në ndihmë edhe për ta veshur të sapolindurin, apo edhe për t’i nderuar pelenat.
6- Set peshqirësh për bebin
Duke qenë se bebet e vogla lahen çdo ditë nënat kanë nevojë të kenë që të kenë sa më shumë të tillë. Ju sugjerojmë që të siguroheni për materialin e tyre, që të jetë sa më i butë pasi lëkura e bebes është tepër delikate.
7- Termometër për ujin
Bebet e vogla këshillohet që të lahen në një temperaturë rreth 37 gradë C. Nënat tona e kanë provuar nxehtësinë e ujit me dorë, apo me pjesën e bërrylit, por që nuk është tepër e sigurt. Që nëna të mos ndihet në siklet se si ta përcaktojë nxehtësinë e ujit dhe të mos rrezikojë djegien e bebit, një termometër uji është zgjidhja.
8-Pompë gjiri
Në ditët e para të ardhjes në jetë bebi e ka të vështirë të zërë gjirin e nënës dhe në jo pak raste aplikohet procedura që nëna e tërheq qumështin me pompë dhe ia jep me biberon. Apo dhe në momentin kur nëna nuk do të jetë në shtëpi dhe do e lërë bebin nën kujdesin e dikujt tjetër, ajo mund ta tërheq qumështin me pompë dhe e ruan në frigorifer dhe kështu i vogli do të ketë se me çfarë të ushqehet, duke mos përdorur qumësht farmacie.
9-Sterilizator për biberonët
Biberonët janë gjithmonë të pranishëm në një familje me një bebe të sapolindur. Për t’i dhënë qumësht shtesë, apo disa muaj më vonë edhe për t’i dhënë ujin apo lëngjet e tjera. Për një pastrim të mirë të tyre nënave iu nevojitet gjithmonë një sterilizator për biberonët. Është e sigurt që në fund të ditës ajo do t’iu falënderojë për këtë dhuratë.
10- Qetësuesi i bebes
Dhimbjet e barkut janë mëse të pranishme tek bebet në muajt e parë. Që nëna të mos përfundojë duke ndezur fshesën e korrentit, apo tharësen e flokëve, një aparat i tillë është zgjidha ideale. Ai është një qetësues për bebet, i cili prodhon të njëjtat zhurma që bebi ka dëgjuar në barkun e nënës. E qetëson dhe e ndihmon që të flejë ndërkohë që e shqetësojnë dhimbjet e barkut.
