Aktori i njohur i Hollivudit, Jude Law, është fejuar me të dashurën e tij Phillipa Coan pas një romance katërvjeçare së bashku.
Psikologia është fotografuar me një unazë të madhe diamanti në gisht duke bërë të na lindin dyshimet për zyrtarizimin e lidhjes.
Phillipa, 32 vjeç, ishte mjaft në humor dhe e buzëqeshur para kamerave teksa kishte bërë pazar, ndërkohë që guri i madh i unazës i shndërrinte.
Këto foto vijnë menjëherë pasi mediat raportuan se Jude, 46 vjeç, dhe Phillipa po planifikojnë një martesë në pranverë në Francë, ku pritet të marrin pjesë miqtë e tyre të Hollivudit.
“The Sun” shkruan se ylli i filmit “Sherlock Holmes” i ka kërkuar djalit të tij të madh, Rafferty, 22 vjeç, të cilin e ka me ish-bashkëshorten Sadie Frost, të jetë shoqëruesi i dhëndrit.
Një burim zbuloi se dasma do të jetë mjaft argëtuese me shumë pije dhe muzikë për të kërcyer.
Jude dhe Phillipa janë bashkë prej vitesh dhe ky është hapi i radhës që vjen natyrshëm në marrëdhënien e tyre, raporton burimi.
Në dasmën e tyre pritet të marrin pjesë emra të mëdhenj të Hollivudit si Jonny Lee Miller, Ewan McGregor, Brad Adams dhe Sean Pertwee.
