Gënjeshtra i ka këmbët e shkurtra! Dokumenti i fundit vërteton se Lali Euro nuk shkoi vullnetarisht në SPAK!
Kryebashkiaku më i korruptuar i historisë, s’mund të ishte kurrsesi një prej zyrtarëve që paraqitet me dëshirë e vullnet të lirë në SPAK, thjesht sepse s’ka asgjë për të fshehur.
Dosja e tij në Prokuorinë e Posaçme është aq e gjatë dhe krimet janë aq të mëdha, sa ai është thirrur me pahir në SPAK dhe gazetarja Klodjana Lala ka publikuar dokumentin që e vërteton këtë.
Në emisionin “Open”, ajo ka treguar para kamerave fletëthirrjen për Veliajn në SPAK, më datën 24 Prill të këtij viti.
“Shtetasi Erion Luan Veliaj, i ditëlindjes 17.12.1979, me detyrë kryetar i Bashkisë Tiranë, të paraqitet në Prokurorinë e Posaçme kundër Korrupsionit dhe Krimit të Organizuar, në datën 30 prill 2024, ditën e martë, në orën 10:00…”- shkruhet ndër të tjera në fletëthirrje.
S’dimë për kë e luan ende këtë teatër Lali Euro, kur të gjithë jemi në dijeni të aferave të tij të pafundme korruptive e mashtrimeve si ky i letrës së SPAK.
Lali Euro, me hir a me pahir, SPAK do të të zhveshë para drejtësisë, për të të dhënë bashkë me të tjerët dënimin që meriton! Ora po troket për të gjithë, pavarësisht manovrave për të shtyrë edhe disa ditë më tepër dënimin!
Pavarësisht kompromiseve të palëve politike, e bashkëpunimit të tyre për t’i shpëtuar kokën njëri-tjetrit.
SPAK pranoi atë që paralajmëronim prej kohësh: Amnistia penale shkurtoi dënimin e dhjetëra zyrtarëve të korruptuar!
Institucioni bëri me dije se rreth 100 persona të dënuar nga Gjykata e Posaçme Kundër Krimit të Organizuar dhe Korrupsionit përfituan nga ligji “Për amnistinë”, ndryshe nga ç’premtonte Bardhi, Manja e të tjerë.
Ulje dënimi përfituan 16 funksionarë publikë të dënuar për korrupsion, 11 të tjerë për shkelje të barazisë në tendera dhe 7 gjyqtarë dhe prokurorë për korrupsion. Dy prej përfituesve ishin të dënuar për shpërdorim të detyrës.
Mes tyre, 40 të dënuar për ushtrim të ndikimit të paligjshëm përfituan falje, ndërsa 60 të tjerë të dënuar për vepra penale të korrupsionit, shkeljes së barazisë në tendera apo shpërdorimit të detyrës përfituan ulje dënimi.
Ashtu siç ju kishim treguar, kjo deklaratë e SPAK vërteton se Propozimet e Rithemelimit u votuan “PRO” nga kokat e mashtrimit që deri tani deklaronin se s’do të aministonin kurrë korrupsionin, ndërsa deputetët e painformuar i ndoqën si dele, pa guxuar të informohen ç’po bluhet.
“…Hapini sytë dhe lexojeni ligjin, se jeni jurist! Asnjë i dënuar nga Gjykata e Posaçme Kundër Korrupsionit dhe Krimit të Organizuar, as nuk përfiton nga kjo amnisti dhe as nuk i zbritet dënimi,” deklaronte në seancën parlamentare të 4 prillit ministri i Drejtësisë, Ulsi Manja.
“Me amendamentin tonë dhe analizën e plotë të kryer nga ekspertët, asnjë person, zyrtar i lartë, i dënuar për korrupsion, i dënuar për abuzim me tenderë, i dënuar për shpërdorime me koncesionet apo partneritetet publike-private, i përfshirë në akte korrupsioni aktiv apo pasiv, nuk përfiton nga amnistia,” premtoi Gazment Bardhi.
SPAK i dënoi, PD-PS i fali dhe i liroi në Parlament! Kjo ishte një përpjekje e koordinuar e palëve politike për të shpëtuar kokat, për të sabotuar institucionet e posaçme dhe luftën kundër korrupsionit!
