Çiljeta Xhilaga është shfaqur ditën e sotme në krah të kryebashkiakut në qytetin e Kavajës. Në fjalës e saj, ajo vlerësoi kryebashkiakun e Tiranës, ku tha se ai ia kishte fituar zemrën dhe asaj.
“Ndoshta shumë nga ju habiten që më shikojnë sot këtu, por unë di të them vetëm dy fjalë. Lali Eri është nga ato djem që di ti fitojë zemrën rinisë dhe ma ka fituar zemrën edhe mua.
Përtej pjesës partiake, si politikan, ai mbi të gjitha di të jetë një njeri, me një zemër shumë të madhe. Unë sot këtu jam si Çiljeta, si artiste.
Sot tek ju shoh veten time përpara shumë vitesh ku kisha plotë ëndrra dhe pasione. Kështu që ajo këshillë që do t’ju jepja është që të vini zemrën në pasionet tuaja, në ëndrrat tuaja, sepse ajo do zgjojë çdo gjë që ju t’i shkoni ëndrrave tuaja deri në fund.
Sigurisht kush e shikon veten si Lali Eri i ardhshëm, që i bën gjërat me zemër, ndiqni zemrën tuaj. Nxirrni nga zemra më të mirën që ju buron sepse dashamirësia është arma më e fortë e çdo njeriu në jetë”, u shpreh Çiljeta.
Kujtojmë se së fundmi në rrjet ka qarkulluar një lajm se Çiljeta Xhilaga ishte larguar nga Partia Demokratike pasi ishte zhgënjyer nga drejtimi i Lulzim Bashës. Si një besnike e përhershme, që ka shprehur hapur përkrahjen për PD-në, kjo gjë i habiti jo pak ndjekësit, ku mori përgjigje sot.
