Lindita Halimi e njohur si Linda, është një nga emrat e spikatur të muzikës shqiptare, e cila krahas karrierës muzikore është përfolur shpesh edhe për format e saj të rrumbullakosura.
Ndonëse sot gëzon një fizik për t’u pasur zili, disa vite më parë këngëtarja nuk gëzonte të njëjtat linja, madje kishte disa kile më tepër.
Mirëpo në një kohë të shkurtër ajo arrit të ketë trupin që shumë lakmojnë. Së fundmi në një intervistë për “Aldo Morning Show”, Linda u pyet mbi këtë “shndërrim” të saj.
E pyetur mbi arsyet që bënë që ajo të arrinte peshën përfekte, Halimi me fjalë të tjera u shpreh se karakteri i fortë që kemi si popull e ka shtyrë që të mos dorëzohet dhe t’ia dalë.
“E kam kokën e katunarit, kur them e bëj, e bëj,”-u shpreh këngëtarja.
Në vazhdim e pyetur nëse për të arritur fizikun që ka sot, i është dashur të heq dorë nga ushqime të caktuara, Linda tregoi që vetëm karbohidratet ka larguar nga vaktet e saj.
“Po unë tani do ha gjithmonë. Unë ha vetëm se kontrolloj porcionet, kaloritë dhe nuk ha në kohë të caktuar, është si agjërim, në orën 6 karbohidratet i ndaloj,”-përfundoi Halimi.
Prej vitesh, Linda Halimi është zhvendosur të jetojë në Shtetet e Bashkuara të Amerikës. Ajo ka edhe një vajzë të vogël. Disa kohë më parë ajo u përfol se është ndarë nga partneri i saj, por disa burime për “Prive” asokohe konfirmuan të kundërtën.
