Një foshnjë e porsalindur ka ndërruar jetë në Maternitetin e Durrësit, katër ditë pas lindjes. Prindërit e bebit kanë kallëzuar në Policinë e Durrësit mjekët e maternitetit. Sipas tyre, mjekët nuk i dhanë kujdesin e duhur fëmijës së tyre dhe për pasojë humbi jetën. Ende nuk janë bërë të ditur shkaqet e ndarjes nga jeta të foshnjës, por Policia po punon për zbardhjen e plotë të ngjarjes.
“Më datë 11.09.2018, ka bërë kallëzim shtetasi B.G. 43 vjeç, banues në Durrës, pasi më datë 07.09.2018, bashkëshortja e tij, shtetësia V.G., 35 vjeçe, ka lindur në Maternitetin e Spitalit Durrës dhe pas 4 ditësh fëmija ka ndërruar jetë ku dyshon se mjekët me mosveprime të tyre i kanë shkaktuar vdekjen foshnjës së porsalindur. Neni 96 i Kodit Penal.” – shkruhet në njoftimin e Policisë.
Burimi: Ballkanweb.al
