Pas përhapjes masive në gjithë botën, mbrëmjen e së dielës janë konfirmuar dy rastet e para të prekura me koronavirus në Shqipëri.
Njoftimi është bërë nga Ministria e Shëndetësisë në një njoftim zyrtar pas mesnatës.
Sipas të dhënave paraprake, mësohet se dy të prekurit janë babë e bir të mbërritur në Tiranë nga Firence, një prej zonave të prekura nga virusi vdekjeprurës.
Në njoftimin e Ministrisë së Shëndetësisë bëhet e ditur se gjendja e tyre është e stabilizuar dhe nuk paraqiten komplilacione.
“Strukturat tona të urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet.”- thuhet në njoftim, ku gjithashtu u bëhet thirrje qytetarëve që në raste të dyshimit të prekjes nga koronavirus, të telefonojnë në numrin 127 dhe jo të paraqiten pranë qendrave mjekësore.
https://www.facebook.com/MinistriaeShendetesisedheMbrojtjesSociale/photos/a.486584464785969/2594099957367732/?type=3&theater
