Vetëm pak më parë, Zv.Ministrja e Shëndetësisë, Mira Rakacolli, ka njoftuar se numri i të prekurve nga koronavirusi në Shqipëri ka shkuar në 33, nga 23 që ishte ditën e djeshme.
10 raste të reja janë konfirmuar me Covid-19, pjesa më e madhe e të cilëve ndodhen në kryeqytet.
8 persona të prekur po marrin mjekimin e duhur në Spitalin Infektiv, ndërsa 25 raste po qëndrojnë në vetëizolim.
Nga 33 rastet e konfirmuara, Tirana ka shifrën më të lartë të të prekurve, 19 persona.
Pas saj vjen Durrësi, ku u shënua edhe viktima e parë e koronavirusit.
Sipas Rakacollit, janë kryer gjithsej 457 testime dhe ende po priten përgjigje të reja të analizave.
