Rexhep Rraja, djali i deputetit socialit të Krujës Rrahman Rraja, është arrestuar nga Policia e Shtetit.
Arrestimi i tij, vjen disa ditë pasi u bë publik rasti i dhunimit të shtetases Xhiseila Maloku, mbi të cilën Rexhep Rraja ka ushtruar dhunë. Burime për Top Channel konfirmojnë se masa e arrestit për djalin e deputetit Rrahman Rraja është marrë gjatë ditës së djeshme, por vetëm sot është bërë ekzekutimi.
Eksperita mjeko-ligjore konfirmoi pretendimet e Xhiseila Malokut se djali i deputetit socialist Rrahman Rraja e ka përdhunuar dhe ka ushtruar dhunë mbi të, madje rezulton të jetë dhunuar me mjete të forta dhe ka shenja të djegies me cigare.
“Dërrmishtja në shpatullën e djathtë dhe ekimozat në pulpën dhe kërcirin e majtë, janë shkaktuar me mjet mbretës. Dërrmishjet e vërejtura në kofshën e djathtë, janë shkaktuar nga veprimi i faktorëve termikë, siç mund të jetë edhe cigarja”- thuhet në raportin mjeko-ligjor.
Dëmtimet e konstatuara në trupin e 25-vjeçares, sipas ekspertëve të mjekësisë ligjore, hyjnë në kategorinë e dëmtimeve të cilat sjellin si pasojë humbjen e aftësisë së përkohshme për punë në masën prej 9 ditësh.
