Nesër rikthehet ora dimërore. Akrepat e orës do të kthehen 60 minuta prapa, duke u gdhirë dita e diel, 27 tetor.
Pas natës së të shtunës, akrepat do të shkojnë prapa një orë, pra ora 03:00 do të jetë ora 02:00 pas mesnate.
Me ndryshimin e orës, tani do të shijojmë më pak dritë, por të paktën ditët e para të kohës diellore, do të duket si një orë shtesë e gjumit.
Ndryshimi i orës bëhet dy herë në vit, në javën e fundit të tetorit dhe në të dielën e fundit të marsit me qëllim shfrytëzimin sa më mirë të energjisë diellore.
Ky fund i tetorit 2019 mund të jetë një nga ndryshimet e fundit të historisë në Europë, pasi kjo ngjarje ka ngjallur shumë debate.
