Ditën e sotme kanë nisur testimet e para të vaksinës kundër COVID-19 dhe një grup prej 45 vullnetarësh të shëndetshëm do të bëjnë injeksionin në Institutin Kërkimor “Kaiser Permanente”, në Seattle.
Ende nuk dihet efikasiteti i saj dhe sipas ekspertëve duhen disa muaj për t’u vërtetuar nëse kjo vaksinë mposht virusin e ri.
Kompania e cila ka krijuar vaksinën, Moderna Therapeutics, thotë se vaksina është krijuar mbi bazën e një procesi të njohur e të testuar, që përdor teknologjinë para-ekzistuese.
“Kjo është një garë kundër virusit, dhe jo kundër njëri tjetrit; të gjithë po mundohemi për të mirën e njerëzimit. Vaksinat tipike për viruset, siç është fruthi, bëhen nga një virus i dobësuar, por mRNA-1273 nuk është bazuar te virusi që shkakton Covid-19. Në vend të kësaj, ajo përfshin një segment të shkurtër të kodit gjenetik të kopjuar nga koronavirusi që ekspertët kanë arritur ta sigurojnë në laborator. Shpresohet që në këtë mënyrë, do të ndihmohet sistemi imunitar i trupit që të luftojë infeksionin e vërtetë”.
Deri më tani, shkencëtarë nga e gjithë bota po përpiqen të zbulojnë vaksinën kundër Koronavirusit dhe nuk dihet ende se kur do të dalin rezultatet.
Në të gjithë botën, deri tani janë shënuar 6,687 viktima dhe janë regjistruar 174,940 të infektuar në 162 shtete,
