Ditën e sotme, dy pacientë nga Tropoja të infektuar me virusin vdekjeprurës Covid-19 janë shëruar plotësisht.
Lajmin e mirë e ka dhënë Kryetari i Bashkisë sës Tropojës, Rexh Byberi.
Analizat e pacientëve për koronavirusin kanë rezultuar negative dhe ata janë lënë të lirë të shkojnë në shtëpi.
“Sapo u informoca nga autoritetet mjekësore se sot kanë lënë spitalin Infektiv në Tiranë dy të diagnostifikuar e parë nga Tropoja si të infektuar me covid-19. Të dy pacientët tashmë janë shëruar dhe do t’ju nënshtrohem rregullave formale 2 javore të karantinës. Një lajm i tillë është i gëzueshëm për të gjithë ne por dhe një kujtesë që të zbatojmë me rigorozitet rregullat dhe normat e kujdesit shëndetësor të sanksioneve nga autoritetet. Një mirënjohje të veçantë për bluzat e bardha të qytetit tonë dhe të spitalit Infekti në Tiranë për punën profesionale dhe përkushtimin human që po tregojnëm,”-shkruan Kryebashkiaku.
Deri tani, Tropoja ka konfirmuar gjithsej 4 raste të infektuara me Covid-19, ndërsa në të gjithë Shqipërinë numërohen 304, pas 27 rasteve të reja të konfirmuara ditën e sotme.