Pas disa mujash djegieje hektarësh toke nga zjarri masiv, më në fund ka ardhur një lajm i mirë nga Australia.
Në qytetin e Sydney-t kanë nisur reshjet e shiut, të cilat janë pritur si asnjëherë më parë nga banorët.
Shiu ka ndihmuar në shuarjen e dy vatrave të mëdha zjarri në New South Wales, ndaj qytetarët kanë dalë në rrugë për të festuar.
Madje, pamjet e festës mes shiut që kanë ndarë në rrjete sociale po bëjnë tashmë xhiron e rrjetit.
Megjithatë, agjencia e motit në Australi ka bërë të ditur se reshjet e shiut në Sydney janë tre herë më të larta se reshjet mesatare të muajit shkurt gjatë viteve të kaluara.
Për më tepër, reshjet e mëdha kanë shkaktuar edhe përmbytje, duke ndërprerë energjinë elektrike në 100 mijë shtëpi.
Mirëpo, ky fakt duket se nuk i ka penguar apsak qytetarët për të festuar.
