Nëpërmjet një postimi në rrjetet e tij sociale, kryeministri Edi Rama ka njoftuar se është rritur numri i të shëruarve nga Covid-19 në vendin tonë.
Listës së personave që kanë fituar betejën me koronavirusin i janë shtuar edhe 15 të tjerë.
Kështu, në total Shqipëria regjistron 131 persona të shëruar plotësisht nga Covid-19.
Sipas të dhënave zyrtare, vendi ynë numëron deri tani 377 të prekur nga virusi vdekjeprurës.
Aktualisht në spitalin Infektiv ndodhen 66 pacientë, 5 prej të cilëve në terapi intensive.
Ndërsa në spitalin COVID2 ndodhen 7 pacientë, 6 prej të cilëve në terapi intensive.
Gjithashtu, Covid-19 i ka marrë jetën 22 personave në vendin tonë.