Thashethemet thonë se aktorja dhe këngëtarja, Lady Gaga, mund të jetë martuar me të fejuarin e saj, Taylor Kinney, në fshehtësi këtë fundjavë, ndërsa çifti u vu re që mbanin unaza të ngjashme stil martese.
Fituesja e Golden Globe mbushi 30 vjeçe dhe festoi në një organizim privat, ku mblodhi shumë celebrities. Fansat dalluan se këngëtarja nuk mbante unazën e saj të fejesës në formë zemre nga Lorraine Schwartz, e cila ishte zëvendësuar me një unazë të thjeshtë, rreth floriri si stili i martesës. I njëjti stil unaze u dallua edhe në dorën e të fejuarit të saj Kinney.
Nëse lajmi është i vërtetë është shumë mbresëlënëse për Gaga-n, e cila pas performancës në Grammy, në Oscar dhe marrjes së çmimit të parë Golden Globe, për performancën më të mirë në “American Horror Story: Hotel”, ajo plotësohet edhe nga ana sentimentale.
Burimi: Harper’s Bazaar
