Ylli i pop-it, Lady Gaga, ka dhënë një përditësim të rëndësishëm për planet e saj të dasmës me të fejuarin e saj, Michael Polansky, duke konfirmuar se çiftit i mbetet pak kohë deri tek ceremonia. Këngëtarja 39-vjeçare bëri këtë deklaratë gjatë paraqitjes së saj të premten në transmetimin live të iHeartRadio “Romantic Radio” të Bruno Mars.
“Unë dhe i fejuari im kemi udhëtuar gjatë gjithë vitit, por do të martohemi së shpejti. Shpresonim që ti të zgjidhje një këngë të veçantë për ne,” tha Gaga në një mesazh të regjistruar. Në përgjigje, Mars i sugjeroi: “Nëse po kërkon një këngë për t’ia dedikuar bashkëshortit tënd, do të thosha nga albumi im i ri të zgjedhësh ‘Risk It All’.”
Ky lajm vjen disa muaj pasi Gaga kishte treguar se ajo dhe Polansky flasin “gjatë gjithë kohës” për martesën e tyre të ardhshme. “Kemi disa pushime mes angazhimeve tona dhe ato janë joshëse. Është si të themi: ‘Mirë, a mund të martohemi atë fundjavë?’,” tha ajo për median.
Polansky shtoi se çifti po mendon për një ceremoni intime, në vend të një dasme të madhe. “Nuk duam një dasmë shumë të madhe, por duam ta shijojmë,” tha ai. “Në shumë mënyra, ne tashmë ndihemi si të martuar, kështu që nuk është se do të ndryshojë shumë gjë.”
Çifti gjithashtu planifikon që dasma të mbahet gjatë ose pas përfundimit të turneut të saj Mayhem Ball Tour, i cili është planifikuar të përfundojë më 13 prill në Madison Square Garden.
