Në koncerte ndodhin shumë incidente, por rasti i këngëtares italiane është shokues.
Gianna Nannini po mbante koncertin e saj të radhës në stadiumin e Genova-s, kur u rrëzua nga skena teksa po performonte.
Ajo pësoi një dëmtim në gju, i cili nuk është aspak i vogël.
“Më vjen keq që u ndërpre ai koncert i bukur, fare pak larg nga fundi i tij. Publiku xhenovez ishte vërtetë i dashur por për fat të keq nuk arriti ta shijojë koncertin deri në fund”, shkroi Nannini në “Facebook”, ndërsa postoi një video ku ndodhej në autoambulancë.
Pavarësisht kësaj, ajo ka njoftuar që do të vazhdojë turneun më 6 prill.
