Kylie Minogue është takuar “në mënyrë sekrete” me princin Andrew për disa javë.
Revista australiane “New Idea” aludon se “miqtë e ngushtë” janë lidhur pasi këngëtarja i dha fund lidhjes me të fejuarin e saj Joshua Sasse në shkurt.
“Për momentin ata janë të pandashëm, Andrew është 100% i pushtuar”, ka thënë një burim nga Pallati për revistën.
Revista shkruan se princi 57-vjeçar i ka ofruar Kylie mbështetjen e tij pas fundit të lidhjes me 29-vjeçarin.
Që atëherë çifti ka qenë ‘i pandashëm’, ku raportohet se Kylie ka kaluar disa net në dy javët e fundit me Andrew.
Revista shkruan më tej se tashmë gjithë sytë janë tek lista e të ftuarve të dasmës së Pippa Middleton, motrës së Kate, dhe nëse Kylie do të jetë si e ftuara e Andrew.
Më herët gjatë vitit, Kylie u prezantua në çmimet e shoqërisë Britani-Australi nga Princi Filip, një ceremoni private ku kishte vetëm zyrtarë mbretëror.
