Në një video të re në YouTube të postuar më 22 tetor, Kylie Jenner ka folur rreth ideve të veshjeve për Halloween dhe po ashtu ka ndarë me fansat simbolin e veçantë që lidh atë dhe ish-të dashurin Travis Scott.
Në video, Kylie flet për kohën kur ajo dhe Stormi u veshën si flutura për këtë festë, por si duket kjo veshje nuk ishte vetëm një zgjedhje e rastësishme.
“Kur Travis dhe unë u lidhëm bashkë, ne bëmë tatuazhe flutura të vogla. Pra, një flutur është një simbol i marrëdhënies sonë dhe i Stormit, kështu që ky fustan ishte vërtet i veçantë”.
Kylie dhe Travis na treguan tatuazhet matchy-matchy që në vitin 2017. Që atëherë, Kylie dhe autori i hitit “Highest In The Room” shpesh kanë lidhur detaje të ndryshme me imazhe të fluturave.
Disa shembuj? Kylie lindi Stormi Webster në shkurt 2018 pasi e mbajti shtatzëninë e saj të fshehtë. Pasi ndau lajmin e madh me fansat, Kylie tregoi se ajo zbukuroi dhomën e Stormit me flutura.
Në gusht 2017, Kylie gjithashtu mori një varse me flutura nga Travis si një dhuratë për 20-vjetorin e saj.
Kohët e fundit, fansat aludojnë se ata mund të jenë ribashkuar pasi Kylie postoi dy foto të saj dhe Travis në Instagram në fillim të tetorit.
https://www.instagram.com/p/CGeGq-THzME/
Megjithatë, E!Online i hedh poshtë këto zëra duke thënë se ata janë vetëm miq dhe shkojnë mirë për shkak të vajzës. Por, nuk ka asgjë më shumë pasi marrëdhënia e tyre nuk funksionoi.
