Një nga adoleshentet më të famshme të familjes Kardashian, Kylie Jenner ka provuar koleksionin më të ri të veshjeve sportive të Adidas, që janë dizejnuar nga këngëtarja shqiptare, Rita Ora.
Ka qenë Rita Ora ajo e cila ka publikuar një foto të Kylie Jenner në Instagram, ku shkruan: “Sa e mrekullueshme që është! E preferuara ime me RITAORA X @adidasoriginals”.
Në një postim të dytë në Instagram, Rita shihet duke punuar për të krijuar këtë koleksion: “Dizajnimi i këtij koleksioin @adidasoriginals ka qenë e rëndësishme për mua. Ndihesha sikur po bëja diçka pozitive për njerëzit që me të vërtetë e duan atë dhe Adidas, Faleminderit që më dhe lirinë për të bërë 15 koleksione për 4 vjet e gjysmë”.
