Kylie Jenner i dha fund romancës së saj me reperin Tyga kohë më parë dhe arsyen e tregoi në episodin e së dielës në reality show-un e saj të ri “Life of Kylie”.
Ylli 20-vjeçar u hap për ndarjen e saj nga reperi, duke këmbëngulur se nuk kishte pasur zënka të këqija, por ajo donte të përjetonte gjëra të tjera.
Dyshja i dhanë fund marrëdhënies së tyre në prill pas gati tre vjet takimesh, pasi ajo ndihej shumë e re për të qenë në një marrëdhënie serioze.
“Nuk kishte absolutisht asgjë të keqe mes meje dhe Tyga-s. Ne do të kemi gjithmonë një lidhje. Nuk kishte asnjë zënkë të çmendur. Ne vendosëm, në fakt unë vendosa, se jam vërtet e re. Nuk dua të shikoj prapa për pesë vjet nga tani dhe të ndjehem sikur ai ka marrë diçka prej meje, kur nuk është me të vërtetë ai lloj personi”.
