Kylie Jenner e nisi fundjavën e saj në sfilatën e modës së Tom Ford të premten në mbrëmje, dhe e përfundoi atë në një nga eventet më prestigjioze të sezonit, si festa e Vanity Fair pas ceremonisë së ndarjes së çmimeve “Oscar”.
Miliarderja e re mori pjesë në event bashkë me motrën e saj Kim Kardashian, e veshur me një fustan “Ralph & Russo”, me të cilin dukej përrallore.
Flokët e saj dhe makijazhi ishin mjaft natyrale dhe të thjeshta, por kjo ndoshta lidhej edhe me faktin se Kylie do të ndërrohej pas festës me një fustan të dytë.
Ajo publikoi në Instagram një foto me veshjen e dytë në festë, një fustan i kuq “Vivienne Westwood”, me një të çarë që e tregonte tepër elegante.
Kjo paraqitje publike e Kylie-t vjen menjëherë pas intervistës së saj me “Harper’s Bazaar” ku foli për marrëdhënien me ish-partnerin Travis Scott me të cilin janë në raporte të mira për hir të vajzës së tyre Stormi.
https://www.instagram.com/p/B8Yeu3YH4rU/?utm_source=ig_embed
