Kylie Jenner ka pozuar sot pa makijazh në një foto ku shfaqet shumë natyrale, për të promovuar një linjë të re të produkteve të bukurisë për kujdesin e lëkurës.
“Kylie Skin” do të quhet linja e re që do të ecë paralelisht me “Kylie Cosmetics” dhe pritet të ketë mjaft sukses në tregun e produkteve të bukurisë.
“Ka një jetë që kam punuar për këtë kështu që nuk mund ta besoj që më në fund po e anunçoj. Krijimi i linjës time të makijazhit më ka mësuar shumë dhe jam e bekuar që atë njohuri ta përdor për kompaninë time të re!” , shkruan Jenner.
Më tej ajo shprehet se çdo produkt i “Kylie Skin” është pa gluten, pa parabens dhe e përshtatshme për të gjitha llojet e lëkurës.
Data zyrtare e daljes së produkteve në treg është 22 maj dhe fansat me siguri po presin me padurim për këtë risi.
