Seriali “Keeping Up With The Kardashians” rikthehet me 5 gusht dhe interneti po “zien” se çdo të shfaqin në ekran një ndër familjet më të famshme.
Dhe normalisht që Kris Jenner është në krye të detyrës, për të promovuar seritë e reja. Në një intervistë për “Us Weekly”, Kris foli për vogëlushët që iu bashkuan familjes këtë vit si dhe për eksperiencën e mëmësisë së vajzës së saj të vogël Kylie, e cila brenda pak ditësh do të bëhet 21 vjeç.
“Kylie është shumë më e qetë sesa unë kur u bëra nënë. Ajo e adhuron Stormi-n dhe kujdeset kaq shumë për të. Nuk shkon askund, pa e marrë edhe Stormi- n me vete.”- tregoi Kris Jenner.
Ajo nuk la pa përmendur edhe nënën më të re të familjes, Khloe Kardashian e cila solli në jetë vogëlushen True.
“E dija se do të ishte një nënë e mrekullueshme. Ajo kujdeset jo vetëm për True, por për fëmijët e motrave të saj. Dhe True është drita e syve të Khloe-s” – tha Kris, duke anashkaluar çdo pyetje në lidhje me tradhëtinë e Tristan.
Burimi: Dailymail
