Pas thumbimeve me vargje këngësh, reperja Melinda pushtoi mediat rozë falë dedikimit që i bëri në rrjetet sociale koleges së saj Tayna-s, së cilës i kërkoi falje për gjuhën e përdorur ndaj saj.
Mirëpo, fjalët e saj duket se nuk i bënë shumë përshtypje reperes së hitit “Columbiana”, e cila jo vetëm që nuk i ktheu përgjigje publikisht, por nëpërmjet menaxherit të saj u shpreh për “Prive.al” se nuk e pranonte faljen dhe s’kishte asgjë për t’ i thënë Melindës.
Sot Tayna ka postuar një foto në llogarinë e saj në Instagram dhe vëmendjen tonë e mori menjëherë përshkrimi ndaj fotos.
“Të gjithë njerëzve që nuk më duronin dot vitin e kaluar, po ju bëj me dije se ky vit do të jetë akoma dhe më keq”, shkruan reperja.
Nuk e dimë me siguri nëse kjo fjali është një nxitje për garë të egër mes repereve apo qendron jashtë këtij konteksti.
Burimi: Instagram
