Taylor Swift vendosi të lë mënjanë dramën dhe të bëjë diçka të mirën për botën. Këngëtarja dhuroi 1 milion dollarë për të prekurit nga përmbytjet në Louisiana, SHBA.
“Ne e nisëm turneun “The 1989 World” në Louisiana, ku fansat e mrekullueshëm na bënë të ndiheshim si në shtëpi. Ma copëton zemrën fakti që kaq shumë njerëz janë detyruar këtë javë të largohen nga shtëpitë e tyre”, tha këngëtarja për “Associated Press”.
Këngëtarja e famshme shfrytëzon ndikimin e saj për t’u bërë thirrje të gjithëve atyre që kanë mundësi, që të japin kontributin e tyre.
“I inkurajoj të gjithë ata që kanë mundësi të ndihmojnë dhe të dërgojnë dashurinë dhe lutjet e tyre”, u shpreh Taylor.
Përmbytjet e 12 gushtit në Louisiana patën pasoja të rënda për banorët. Shirat e dendur u bënë shkak që përrenjtë dhe lumenjtë të dilnin nga shtrati duke marrë gjithçka përpara. Qeveria u detyrua të shpallte gjendjen emergjente. Përmbytjet shkaktuan 11 të vdekur dhe shkatërruan mbi 40.000 shtëpi.
Burimi: Daily Mail
