Me ardhjen e vajzës së tyre në jetë gjërat ndryshuan për prindërit e rinj. Dhe këtë ditëlindje, tradita e çiftit Sahiti për të bërë një udhëtim duhet të anashkalohet.
Dizajnuesi i njohur shqiptar, Valdrin Sahiti, feston sot ditën e lindjes ndryshe, pasi prej prillit të këtij viti gëzon statusin “baba”.
Urimi më i veçantë për të ishte nga bashkëshortja Edita, e cila i kujton se ndryshe nga festimet e viteve të kaluara nuk mund të bëjnë një udhëtim pasi Bella është shumë e vogël, vetëm 6-muajshe.
“Edhe 100 vite për dashurinë e jetës sime. P.S. më fal që udhëtimi i ditëlindjes kësaj radhe ishte i pamundur pasi në jetën tonë është një mrekulli dhe do përkujdesje. Por në mundësinë e parë do ta kompensoj. Të dua”, shkruan bashkëshortja, përmes një postimi në Instagram.
Ndërsa dizajnuesit i përgjigjet me shaka:
“Nuk di a do ta fal. Ti dhe Bella, gjithçkaja ime”.
Burimi: Instagram
