Nuk do të shikoni më asnjë person duke bërë foto dhe “selfie” pranë pishinave publike në Gjermani. Vendi mori këtë vendim për të shmangur “viktimat” e pedofilisë dhe talljeve që bëhen për shkak të linjave trupore.
“Ne nuk mund të lejojmë dikë, i cili edhe pse thotë se thjesht po i bën një fotografi fëmijës së tij, në fakt sytë dhe fokusin e ka tek një tjetër fëmijë, i cili kurrsesi nuk do të donte që fotoja të qarkullonte në internet pa konfirmimin e tij”, kështu është shprehur Matthias Worner, pronari i pishinave publike.
Shumë nga pishinat e Gjermanisë po i kërkojnë pushuesve t’u vendosin një pullë letre në pjesën e kamerës, në të kundërt duhet të dorëzojnë telefonin.
Sipas legjislacionit gjerman është e palejueshme të fotografosh apo t’i bësh video dikujt pa lejen e tij, por kjo është bërë shumë e vështirë me zhvillimin e teknologjisë.
Burimi: GermanPulse
