Islanda mund të jetë një nga shtetet më progresive lidhur me ndalimin e abuzimit të të rinjve me substancat. Me një punë që ka zgjatur 20 vite, por e cila ka pasur rezultate të mira, Islanda arriti atë që shumë shtete nuk kanë mundur ende.
Nëse përpara dy dekadash, varësia nga alkooli ishte një problem i madh në Islandë, sot nuk është më. Nga viti 1998 deri në 2016, përqindja e të rinjve, (përfshirë edhe 15-16-vjeçarët) që konsumojnë alkool ka rënë nga 48% në 5 %, ndërsa ata që pinë marijuanë nga 17% në 7%. Ka rënë ndjeshëm edhe numri i duhanpirësve duke i bërë kështu të rinjtë e ishullit më të shëndetshëm se ata të Europës.
Por, çfarë e solli këtë rezultat? Ka qenë një punë e gjatë dhe e vazhdueshme mes institucioneve sociale, shkollave dhe prindërve. Aktivitetet jashtëshkollore u rritën në atë masë sa zunë pjesën më të madhe të kohës së fëmijëve e të rinjve.
Ka qenë ky një plan i propozuar në 1992 nga psikologia Harvey Milkman dhe që islandezët e mirëpritën menjëherë. Psikologia bëri së pari një test te të rinjtë, prej të cilit rezultoi se 25% e të rinjve pranonte që ishte përdorues i përditshëm i duhanit, ndërsa 40% të alkoolit.
Nga ato përgjigje të thjeshta nisi edhe projekti i qeverisë, që si punë të parë hoqi çdo reklamë të mundshme pijesh alkoolike apo cigaresh! U ndalua shitja e cigareve dhe alkoolit të rinjve nën 20 vjeç dhe u vendos një orar i detyruar kthimi në shtëpi, gjatë dimrit.
Burimi: Huffingtonpost
