Padyshim të gjithë e adhurojnë këngëtaren shumë të talentuar, Adele. Zëri i saj arrin të prekë çdo zemër dhe jemi gjithmonë në pritje të projekteve të reja të saj.
Para disa javësh ajo publikoi një klip i cili paralajmëronte një këngë të re prej saj të titulluar “Easy On Me” dhe do të lançohet ditën e nesërme, 15 tetor.
Përpos këngës ajo ka treguar se do të vinte me një album tjetër, të cilin kishim vite që e prisnim dhe këtë të mërkurë vendosi të postojë një foto së bashku me datën e publikimit, 19 nëntor.
Që prej nisjes së karrierës së saj, Adele ka preferuar të mbajë një linjë me titujt e albumeve të saj, ku të parin e ka publikuar në 2008 me titull, “19”. Më pas nxorri në treg “21”, në 2011 dhe kur mbushi 25 vjeç lançoi albumin “25” në 2015.
Tashmë këngëtarja është plot 30 vjeç, ashtu siç dhe ka titulluar albumin më të ri që do të publikohet për një muaj. Adele ka zbuluar se do të mbajë një koncert televiziv në Las Vegas për këtë album, që do të jetë i pari për të pas katër vitesh pushim.
Çdo gjë duket sikur po shkon shumë mirë dhe fansat janë më të emocionuar se kurrë, por a e mbani mend se çfarë ka shprehur Adele në vitin 2016, teksa ishte e ftuar në “The Late Late Shoë”?
Gjatë rubrikës së famshme dhe shumë gazmore të james Corden, “Carpool Karaoke” në të cilën ishte pjesë Adele, ajo është shprehur se albumi që po punonte do të ishte i fundit që ajo do të titullojë sipas moshës, pasi beson në triologji.
